တောလမ်း ကလေးသည် မညီမညာ ကွေ့ကောက်လျက် ရှိလေသည်။ လမ်းသည် မြေသား ပြောင်ပြောင်ပင် မဟုတ်။
လူသွားဖန် များသည့် အတွက် မြက်ပင်၊ နွယ်ပင်တို့ ပိပြားလျက် ဖြစ်လာရသော တောလမ်းကလေး မျှသာပင်။ နံဘေး တစ်ဖက် တစ်ချက်တွင်တော့ ချုံနွယ်နှင့် သစ်ပင်များ ၀န်းရံလျက် အချို့သော နေရာများတွင် လမ်းပေါ်အထိ ရောက်နေသော နွယ်ပင်နှင့် သစ်ကိုင်းတို့ကို ဖယ်ရှားကာ သွားရသေးသည်။
ဖိုးနီသည် လမ်းကလေး ပေါ်တွင် တစ်ယောက်တည်း ယိုင်နဲ့နဲ့ လျှောက်လာသည်။ တစ်ညလုံး သူတောတိုး ခဲ့ရသည်။ ယခု နံနက်တွင်မှ သည်လမ်း ကလေးကို တွေ့ပေသည်။ တောမှာမွေးသော ကလေးငယ် တို့၏ သိတတ်ခြင်းဖြင့် သည်လမ်းသည် ကားလမ်းမကြီး သို့မဟုတ် လူတို့ နေထိုင်ရာ ရွာများ ဆီရောက်မည်ဟု သူအလိုလို သိနေသည်။ သည့်အတွက် ကြောင့်ပင် ၀မ်းသာ လှိုက်လှဲခြင်းသည် သူ့ခြေလှမ်း များကို သွက်စေသည်။ သို့သော် ပုံမှန် ခြေလှမ်းတော့ မဟုတ်။ တရွတ်ဆွဲ ရတော့မလို အားအင်ကုန်ခန်း နေသော ခြေလှမ်းများ ထက်တော့ နည်းနည်းသာသည် ဆိုရမည်။ သူအားရှိ လာသည်ဟု ခံစားရ၏။ သို့သော် မောလှပြီ။ တစ်နေရာ ရာတွင် ပစ်လှဲလိုက်ချင် စိတ်သည် သူ့ရင်ထဲ ကြီးစိုးကာ နေသည်။ ထိုတစ်နေ ရာသည် သူ့အိမ်က ၀ါးကြမ်းခင်း ကလေးများ ဖြစ်လျှင် ဘယ်လောက်များ ကောင်းလိုက်မည်နည်း။
ငိုက်စိုက်စိုက် လျှောက်လာသော ခြေလှမ်းများကို ရပ်ကာ ဖိုးနီနောက်သို့ လှည့်ကြည့်မိသည်။ သူဘယ်ရောက် နေသည်လဲ မသိ။ အိမ်နှင့် အလွန့်အလွန် ဝေးလံသော နေရာသို့ ရောက်နေပြီ ဟုသာထင်သည်။ မိုင်အားဖြင့် သူမသိ။ ခြေထောက်များ ညောင်းညာခြင်း ဖြင့်သာ ခရီး ဝေးသည်ကို မှန်းတတ်သည်။ သူ့အိမ် ကလေးသည် နောက်ကျောဘက် မိုင်များစွာ ကွာဝေးသော နေရာတွင် ကျန်ခဲ့သည်လား။ လက်ဝဲဘက်၊ လက်ယာဘက် ကနေ ဦးတိုက်သွားလျှင် ရောက်နိုင်သည်လား သူမသိပေ။
သူ နားလည်သည် မှာတော့ သူသည်အိမ်နှင့် မိုင်များစွာ ဝေးခဲ့ပြီ။ မိဘတို့နှင့် တကွဲစီ ဖြစ်ခဲ့ပြီ။ အိမ်ပြန်ရန်လည်း မဖြစ်နိုင်သေး။ အိမ်ကို ထားခဲ့ရ ပြီတည်း။
ဖိုးနီတို့ ရွာကလေးသည် တောင်တန်းများ ရိပ်မိုးထားသော နေရာမှာ ရှိလေသည်။ ရွာကို ချောင်းငယ် တစ်ခုက ဖြတ်စီးသွားသည်။ ရွာတွင် အိမ်ခြေများစွာ ရှိသည်မဟုတ်။ မူလတန်း ကျောင်းမျှသာ ရှိသော ရွာတစ်ရွာပင်။ ထိုရွာ ကလေးတွင် ဖိုးနီ မွေးဖွား ကြီးပြင်းခဲ့သည်။
ကောက်ပင်တို့ လယ်ယာမြေတွင် စတင်စိမ်းလန်း ကြသော မိုးရာသီ၌ ဖိုးနီကို မွေးဖွား ခဲ့လေသည်။ များစွာသော လယ်သမား သားသမီးများ လိုပင် အမေ့ ကျောပေါ်မှာ ကတည်းက လယ်ကို ကျွမ်းဝင်ရသည်။ အမေက ဖိုးနီကို ကျောပိုးကာ ကောက်ရိတ်သိမ်း ခဲ့သည်။ အဖေနှင့် ဒိုးတူပေါင်ဖက် လုပ်ကိုင် ခဲ့ကြသည်။ လယ်ကတော့ ဧကများစွာ ရှိသည် မဟုတ်ပေ။ ၀မ်းစာအပြင် နည်းနည်းမျှသာ ပိုလျှံသည်။ ကြွေးမတင် ရုံသာ ရှိခဲ့သည်တဲ့။ သူနားလည် တတ်ချိန်မှာ အမေက ပြန်ပြောင်းပြောပြ တတ်လေသည်။
ဖိုးနီသည် လယ်ထဲတွင် အဖေ ပင်ပန်းလှ သည်ကို သတိရ၏။ အဖေက အလုပ်ကို အပင်ပန်း ခံလုပ်တတ်သည်။ စပါးစိုက်ချိန် ဆိုလည်း အပတ်တကုတ် လုပ်သည်။ အဖေ့ဘက်က တူတစ်ယောက်နှင့် ထွန်ချကြ၊ စိုက်ကြ၊ ပျိုးကြသည်။ ခြံထဲတွင်လည်း စားပင်သီးပင် စိုက်ရသေးသည်။ တောထဲတက်ကာ ထင်းရှာသေးသည်။ ငါးရှာ တတ်သေးသည်။ အဖေသည် ကြွက်သား အပြိုင်းပြိုင်းနှင့် အလွန် သန်စွမ်းသည်။ အဖေ့ ပခုံးကို ခိုတွဲ ထားရလျှင် ဖိုးနီ အလွန်ပျော်သည်။ သို့သော် အဖေ့ကို သူအချိန် ကြာမြင့်စွာ တွယ်ကပ်ခွင့် ရခဲ့သည်တော့ မဟုတ်ပါပေ။ သူ့အောက်က ညီမလေး ရလာချိန် မှာတော့ ဖိုးနီသည် အမေ့ ရင်ခွင်ထဲက ညီမလေးအား အဖေ မြှူသည်ကိုသာ တွေ့လာရသည်။ ညီမလေးကို ပွေ့ချီကျီစယ် သည်ကို မြင်လာရသည်။ ဖိုးနီကို အဖေ မမြင်တော့ပြီ။
သို့သော် သူသည် မနာလိုလည်း မဖြစ်တတ် ပါပေ။ ကောင်းစွာပြေးလွှား ဆော့ကစား တတ်ပြီမို့ အိမ်နီးချင်း ကလေး တစ်သိုက်ကို ပြောင်းလဲခင်တွယ် တတ်ခဲ့သည်။
သူကောင်းစွာ သိတတ်ပြီ ဖြစ်သော အသက် ခြောက်နှစ်ခန့်တွင် ညီမလေးက သုံးနှစ်ရှိပြီ။ ထိုစဉ်က သူကျောင်းနေ ရသည်။ ရွာထဲက မူလတန်း ကျောင်းကလေး မှာပင် နေရသည်။ ဖိုးနီအတွက် အမေက လွယ်အိတ်အသစ် ၀ယ်ပေးသည်။ ကွန်ပါဘူးလေး ၀ယ်ပေးသည်။ သူသည် စာသင် ရသည်ကို အလွန်ပျော်ရွှင် ခဲ့လေသည်။ ဉာဏ်လည်းကောင်း၏။ တစ်နှစ်တစ်တန်း အောင်ခဲ့သည်။ ဖိုးနီ အတွက်တော့ ကလေးပီပီ ပျော်ရွှင်ခဲ့သော၊ အပူအပင် ကင်းခဲ့သော ကာလများ။ မြို့ကလာသော ဆရာမလေး ကတော-့
“ဖိုးနီဟာ ပညာရေး ဖြစ်ထွန်းမယ့် ကလေး”ဟု အမေ့ကို တစ်ကြိမ်မှာ ပြောတာ ကြားဖူးသည်။
သို့ပေမဲ့ ကျောင်းမှာ နောက်ဆုံးနေခဲ့ ရသည်ကတော့ ဖိုးနီ ဒုတိယတန်း အောင်သည် အထိပါပဲ။ သူဒုတိယတန်း ရောက်သည့်နှစ်တွင် ညီမလေးက သူငယ်တန်း တက်ပြီ။ အမေသည် နောက်ထပ် ညီလေး တစ်ယောက်ကို မွေးဖွား၏။ သူသည် အလိုလိုပင် ညီမလေးကို ထိန်းရသည်။ ညီလေးကို ထိန်းရသည်။ အမေတို့ လယ်ထဲဆင်းသည့် အခါ ထမင်း ချက်ရသည်။ ရေသယ်ရသည်။ ရှစ်နှစ်မျှသာ ရှိသေးသော်လည်း လူကြီးလေး ပမာ အိမ်မှာ အသုံးတည့် နေသည်။
အိမ်အလုပ်နှင့် ကျောင်းစာများ အကြား ဖိုးနီက အသားတကျ ရှိဆဲ။ သည်မှာပင် အမေတို့က သူ့ကို ကျောင်းထုတ်ရန် ကြံလေသည်။ ဖိုးနီသည် တစ်ခဏ မျှတော့ ၀မ်းနည်းခြင်း ဖြစ်လိုက်သေးသည်။ သို့သော်လည်း အမေ၏ ညှိုးနွမ်းသော၊ ပင်ပန်းသော မျက်နှာကို ငယ်ရွယ်သော်လည်း သိတတ်ခဲ့သည်။ ကျောင်းပြန်ဖွင့်တော့ မိုးရာသီ အစ ပြုချိန်။ အမေတို့က လယ်ထဲ ဆင်းကြပြီမို့ ဖိုးနီသည် ညီလေးထိန်းကာ၊ ထမင်းချက် ကာနှင့် ညီမလေး ကျောင်းသွားသည်ကို ထမင်းစောင့် ကျွေးရသည်။ ညနေခင်း များမှာ ကျွဲသိမ်းရသည်။ သူ့လွယ်အိတ် ကတော့ စုတ်ခဲ့ပြီ ဖြစ်လေရာ လက်နှီးသာ ဖြစ်သွားလေသည်။
အတန်းဖော်များ ခြံရှေ့က ဖြတ်လျှင် ဖိုးနီသည် ကလေးပိုးကာ ချော့မြှူရင်း ပြုံးပြနှုတ်ဆက် ရသည်။ သူတို့တွေ ကျောင်းဆင်းချိန်ကို စောင့်ကာ ဆော့ကစား ရသည်။ ဆရာမ လေးက မျက်ရည်ဝဲချင် သည်ကို ဘာကြောင့်မှန်း မသိ” မစဉ်းစားနိုင်။ ကိုယ့်ဘ၀ကိုယ် ကျေနပ်ကာ နေခဲ့သည်။
သို့သော် ရံဖန် ရံခါတော့ ဖိုးနီမှာလည်း မကျေနပ်ချက် ကလေးများ ရှိရသည်ပင်။ အဖေသည် သူနှင့် ခုနောက်ပိုင်း စိမ်းလာသည်။ သူ့ကိုတော့ ဖိုးနီဟု တုံးတိတိ ခေါ်တတ်သည်။ ညီမလေးနှင့် ညီလေးကိုတော့ သမီးရေ၊ သားငယ်ရေဟု ခေါ်သည်။ ညီလေးကို ချီပိုးကာ နေပြန်သည်။ ညီလေးကို မြှူလျှင် ပြုံးရွှင်နေသည်။ ညီမလေး စာကျက် နေလျှင်လည်း ပြုံးနေပြန်သည်။ ဖိုးနီကိုကား ဆူပူစရာ များသာရှာတွေ့ နေသည်လား မသိ။ မျက်ထောင့် နီနှင့်သာ ဆူပူသည်ကို နေ့စဉ်လို ကြုံရသည်။
တစ်ရက်မှာတော့ ညီလေးကို အိမ်ရှေ့ခန်းတွင် သိပ်ထားတုန်း သူသည် မီးဖိုထဲမှာ ညနေစာ ထမင်းအိုး တည်နေခဲ့သည်။ အိမ်ရှေ့က ဒုန်းခနဲ အသံကြား၍ ပြေးကြည့်လျှင် ညီလေးသည် ပုခက်ထဲ ကနေ ကြမ်းပြင်ပေါ် ကျပြီး စူးစူးဝါးဝါး ငိုလျက်ရှိသည်။ အိမ်မှာလည်း မိဘများရှိသည် မဟုတ်။ တတ်သလောက်၊ မှတ်သလောက် ချော့ရသည်။ နဖူး ယောင်သွားသည် ကိုတော့ ဘာလုပ်ရမှန်း မသိ။
ညနေ ရောက်သည့်အခါ အဖေတို့ ပြန်လာလျှင်တော့ ဖိုးနီ အရိုက် ခံရသည်။ အဖေက ဖိုးနီကို ရိုက်သည်။ အဖေရိုက်တာ နာလှ၍ မဟုတ် သော်လည်း ဖိုးနီသည် ၀မ်းပန်းတနည်းပင် ငိုခဲ့သည်။
“အဖေက သားကို မချစ်ပါဘူး အမေရာ”
သူသည် မီးဖိုထဲတွင် အမေ့နား ကပ်နေရင်း တီးတိုး ပြောမိသည်။ အိမ်ရှေ့တွင်တော့ အဖေသည် ညီလေးကို ချော့မြှူလျက်။ ညီမလေးကား စာကျက်လျက်။ သူသည် အဖေ့ လက်မောင်းများကို ၀မ်းနည်းစွာ ငေးနေခဲ့၏။
“မဟုတ်ပါဘူး ဖိုးနီရဲ့။ အဖေပဲ၊ မချစ်ဘဲ ဘယ်မှာ ရှိပါ့မလဲ။ နင့်ကို ချစ်လိုက်တာများ အားကိုးတာပါ ပါတာပဲ။ အမေ အသိဆုံးပေါ့”
ဖိုးနီသည် အမေ့ မျက်နှာကို တအံ့တသြ ငေးနေခဲ့သည်။ သူ ဘယ်သို့ နားလည်ရမည်နည်း။ အဖေဟာ ဖိုးနီကို ဘာကြောင့် အမြဲတမ်း ဆူပူချင် ရတာလဲ။ အမေ့ စကားကို ယုံလှသည် မဟုတ်သော်လည်း ဖိုးနီက ငြိမ်နေခဲ့သည်။ ထမင်းဝိုင်း ကျတော့လည်း အဖေသည် သူမဟုတ် သလိုပင် ဖိုးနီကို စကား ဆိုပြန်သည်။ သို့ပေမဲ့ တုံးတုံး တိတိသာ။ မနက်ဖြန် တောထဲ လိုက်ခဲ့ဦးတဲ့။
သို့နှင့် ဖိုးနီသည် အဖေ လှည်းတစ်စီးနှင့် တောထဲ ၀င်ရာမှာ လိုက်ရပြန်သည်။ သားအဖ တစ်တွေ ထင်းတိုက်ကြသည်။ အိမ်အောက်ဘက်မှာ ထင်းသိုလှောင် ကြသည်။ ဖိုးနီတို့ အိမ်သည် သည်အရပ်က ရှမ်းဗမာ ရွာများတွင် တွေ့ရတတ်သော ခြေတံရှည် အိမ်ငယ်လေးသာ ဖြစ်သည်။ အိမ်အောက်ထပ်မှာ ကြက်ခြံရှိသည်။ ထင်းစင်ရှိသည်။ အိမ်ကတော့ သက်ငယ်မိုး၊ ၀ါးကြမ်းခင်း၊ ထရံကာသာ။ သာမန် လယ်သမား အိမ်မျှပင်။
သည်အိမ်မှသာ မဟုတ်ပါ။ တစ်ရွာလုံး မှာတော့ အိမ်ငယ်လေး များသာ အများစု နေကြသည်။ ကချင်များလည်း ရှိသည်။ တောင်သူ အလုပ်ကိုသာ အဓိက လုပ်ကြလေသည်။ ဖိုးနီတို့ အရွယ် ကလေးများ ကတော့ မိဘကို ကူညီတတ် ကြသည်။ အိမ်အလုပ်၊ လယ်ထဲက အလုပ်များကို တတ်နိုင်သလောက် လုပ်ကြရသည်။ ကျောင်းတက်သူများ ကလည်း ကျောင်းချိန် ပြင်ပမှာ အလုပ်ကူ ကြရသည်။ များသော အားဖြင့်တော့ သူတို့သည် လေးတန်းမျှ အောင်လျှင် ပညာရေး ဆုံးခန်းတိုင် ကြမြဲ။ ဖိုးနီလို လေးတန်းပင် မရောက် သူများလည်း မရှား။ သို့သော် ရွာမှာတော့ ဒါသည် အဆန်းလည်း မဟုတ်ပါပေ။
သူတို့ ကျေးရွာ ကလေးသည် မြို့နှင့်တော်တော် အလှမ်းကွာသည်။ ကချင်ပြည်နယ် ထဲက သာမန် ကျေးရွာလေး တစ်ရွာသာပင်။ မြို့ပေါ်သို့ ဖိုးနီတို့ သိပ်မရောက် ဖူးပေ။ အဖေတို့ ကတော့ စပါးလေး၊ ပဲလေးရောင်းဖို့၊ ဈေးဝယ်ဖို့ ရောက်တတ်သေးသည်။ ဖိုးနီကတော့ အဖေနှင့် တစ်ခါ နှစ်ခါသာ လိုက်သွားဖူးသည်။ မြို့သေးသေး လေးပေမဲ့ သူ့အတွက် ကြီးကျယ်ခမ်းနား နေခဲ့သည်။
“ငါတော့မြို့မှာ မနေချင် ပါဘူးဟေ့”ဟုတော့ ရွာက သူငယ်ချင်း များကို ပြောပြတတ်သည်။ တကယ်လည်း ဖိုးနီသည် ရွာကလေးမှာ ပျော်ခဲ့သည်။ အဖေက သူ့ကို မချစ်ဘူးဟု ထင်မြဲ ဖြစ်သော်လည်း အိမ်တွင် သူပျော်ခဲ့သည်။ ပင်ပန်းသော်လည်း အိမ်အလုပ် များကို မညည်းညူ။ အချိန်တန်၍ လယ်ထဲ ဆင်းရလျှင်လည်း သူသည် အဖေ့လို လယ်သမား စစ်စစ်သာ ဖြစ်လာဦးမည်။ ကောက်နှံပင် များကို မြင်လျှင်သူလည်း ပျော်တတ်သည်ပင်။ ကောက်နှံများ ရိတ်သိမ်းချိန် တွင်တော့ သူတို့ ရွာကလေး များသည် ပွဲလမ်းများနှင့် ပျော်မွေ့ဖွယ် ဖြစ်လာမြဲ။ သည်လိုသာ မပြောင်းမလဲ ရှိဦးမည်ဟု ဖိုးနီက ကလေးပီပီ တွေးထင်ခဲ့သည်။
သို့သော် မမြင်ရသော ကံကြမ္မာသည် ဖိုးနီတို့ဆီ ဆိုက်ရောက် လာခဲ့သည်။ ဖိုးနီတို့ ရှမ်းဗမာ ရွာကလေးများ သာမက အနီးဝန်းကျင် တစ်ဝိုက်က ကချင်ရွာကလေး များကိုလည်း ဆိုက်ရောက် ခဲ့သည်ပင်။ ပထမတော့ လူကြီးများ ကျိတ်ကျိတ်ကျိတ်ကျိတ် စကားပြောတတ် ကြသည်ကို သူတို့ ဆန်းသည် မထင်သေး။ နောက်တော့ ညဘက်ဆို အသံ တချို့ကို အဆန်းတကြယ် ကြားလာရသည်။ မိုးလင်းလျှင်တော့ ညက ဟိုရွာမှာ ဘာဖြစ်လို့တဲ့ ဆိုသော အသံများ ညံစီ နေပြန်သည်။ လယ်ယာ ထဲသို့တော့ ပုံမုန် ဆင်းနိုင်ဆဲ။ ဖိုးနီတို့ ရွာလေးက အေးချမ်းဆဲ။
ဆောင်းရာသီ စ၀င်လျှင်တော့ ကောက်နှံများ ရင့်မှည့်ပြီ။ မကြာခင် ရိတ်သိမ်း ရတော့မည်။ အဖေနှင့် အမေတို့က စိတ်ကူးနှင့် မျှော်မှန်းဆဲ။ တစ်ညမှာတော့ မုန်တိုင်း မွှေသလို အသံများက သူတို့နှင့် သိပ်မဝေး တော့ပြီ ဆိုသည်ကို သိရသည်။ ရွာက ဗီဒီယို ရုံများတွင် ကြည့်ရတတ်သော ဇာတ်ကား ထဲကလို အသံများသည် ကလေးများကို အထိတ်တလန့် ငိုကြွေးစေသည်။ လူကြီးများ ကလည်း ထိတ်လန့်ကြသည်။ အသံများသည် တဖြည်းဖြည်းနှင့် သည်းထန်လာသည်။
“ဖိုးနီရေ ဒီအထုပ် လေးဆွဲ”ဟု အမေက ပြောသည်။ အမေသည် ညီလေးကို ချီလျက်။ အဖေကတော့ ညီမလေးကို ပွေ့ဖက်လျက်၊ ဖိုးနီသည် အမေ လှမ်းပေးသော အထုပ်ကို ပိုက်ကာ အိမ်ပေါ်က အမြန် ဆင်းရသည်။ တစ်ရွာလုံးသည် အသက်ဝင် ဆူညံ နေပေသည်။ ဖိုးနီတို့သည် ရွာနှင့် အနီးဆုံး တောထဲကို တိုးလာကြသည်။ တောသည် အမှောင်ကြားထဲတွင် ပို၍နက်ရှိုင်း မည်းမှောင်နေသည်။ လူသံများသည် ဟိုမှ သည်မှ ပေါ်ထွက် လာနေသည်။ ပေါက်ကွဲ သံများသည် သူတို့ ရှေ့တွင်ပင် ရောက်လာသလို အသံများက နှိပ်စက်ဆဲ။ အော်ဟစ်သံ၊ ငိုကြွေးသံနှင့် ပြေးလွှားသံများ၊ ခြေသံများ။
သူတို့ ပြေးကြသည်။ ဖိုးနီပြေးသည်။ တစ်ယောက်တည်း အားသွန်ပြေးသည်။ အသံများ ကပ်ပါလာသည် ထင်လေလေ တိုးကာ ပြေးလေလေ ဖြစ်သည်။ သူ့နားထဲတွင် အသံများသာ ဆူညံနေသည်။ အပြေး ပြိုင်ပွဲတိုင်း ဗိုလ်စွဲနေကျ ဖိုးနီ၏ ခြေထောက်များက ရှေ့သို့သာ အရှိန်နှင့် တိုးနေသည်။ သူဘာကိုမှ မသိတော့။ ကြောက်ခြင်း တစ်ခုကိုသာ သိသည်။
နောက်ဆုံးတော့ ဖိုးနီ မောပန်း၍ နားသည့် အခါတွင် သူ့အနီးတွင် ဘယ်သူမျှ မရှိတော့။ သူ ဆွဲလာသော အထုပ် ကလေးသည်လည်း ဘယ်မှာ ကျကျန်ခဲ့ ပြီလဲ မသိတော့ ပါပေ။ တောသည် မှောင်နေ၏။ အသံတို့က တိတ်ဆိတ် နေသည်ဟု ထင်ရသော်လည်း တကယ့် တကယ်မှာတော့ ချောက်ချားစဖွယ်။ ဖိုးနီသည် သစ်ပင် တစ်ပင်၏ ခြေရင်း၌ တိုးကပ်ကာ ရှိုက်ငင်လိုက်သည်။ သူငိုသည်။ အဖေ သူ့ကို ရိုက်စဉ်ကထက် ၀မ်းနည်းစွာ ငိုကြွေးလေသည်။
တောလမ်းလေး ပေါ်တွင် ယိုင်နဲ့နဲ့ လျှောက်လာသော ဖိုးနီသည် အသံတစ်ခုကြောင့် ခြေလှမ်းများ တုံ့ခနဲ ရပ်သွားသည်။ ဘာသံပါလိမ့်။ အသေအချာ နားစွင့်မိ လျှင်တော့ ဖိုးနီ၏ မျက်နှာသည် မျှော်လင့်ခြင်းဖြင့် ၀င်းပလာသည်။ ဆိုင်ကယ်သံ။ လမ်းမကြီးနှင့် မဝေးတော့ ပြီလား။ သို့တည်း မဟုတ် ဆိုင်ကယ်သည် သူရှိရာ လမ်းကလေးဆီ လာနေသည်လား။ လမ်းကလေးက ကွေ့ကောက် နေသည်မို့ ရှေ့ကို မမြင်သာသေး။ သို့သော် အသံသည် ပို၍ပင် နီးကပ် လာသည်ကို ကြားရသည်။ ဖိုးနီသည် တစ်စုံ တစ်ရာကို စောင့်နေသူလို ခြေလှမ်းများကို ရပ်တန့်ထားသည်။
ကလေးများကို ဖမ်းတတ်သည်ဟု လူကြီးများက ခြောက်လှန့်တတ်သော လူဆိုးများပင် ဖြစ်စေဦး။ ယခုနေတော့ ဖိုးနီ ဘာကိုမျှ မကြောက် နိုင်ပါပေ။ သူသည် တစ်ညလုံး ကြောက်လန့်ခြင်းနှင့် အသားကျ ခဲ့သည်။ သည့်ထက်လည်း ထူး၍ လန့်မကြောက် နိုင်တော့ပြီ ထင်သည်။ ညက ၀မ်းပန်းတနည်း ငိုရှိုက် နေခဲ့သော ဖိုးနီသည် မိုးစင်စင် လင်းချိန်မှာတော့ ငိုရန်ပင် မောနေပြီ။ ထပ်၍လည်း မငိုနိုင်တော့။
ဖိုးနီငေးမော နေစဉ်မှာပင် လမ်းချိုးကွေ့တွင် ဆိုင်ကယ်တစ်စီး ပေါ်လာသည်ကို တွေ့ရသည်။ လူနှစ်ဦး ပါလာသည်။ သူတို့သည် ဖိုးနီကို မြင်လျှင် ဆိုင်ကယ်ကို စက်သတ် လိုက်ကြသည်။ စကားတချို့ မေးမြန်းကြသည်။ သူ့လို ရှမ်းဗမာ တစ်ယောက် မဟုတ်ဘဲ ကချင်များ ဖြစ်သည်ကို ဖိုးနီ သိလာသည်။ ဖိုးနီသည် ဖြစ်ကြောင်းကုန် စင်ကို ပြောပြရ၏။ သူဘယ်ရွာက လာသည့်အကြောင်း၊ မိဘများနှင့် ကွဲသွားရသည့် အကြောင်း။ သူတို့သည် ခေါင်းတညိတ်ညိတ်နှင့် နားထောင်ပြီးနောက် တီးတိုးတိုင်ပင် ကြ၏။ ထို့ နောက် ဖိုးနီကို ဆိုင်ကယ်ပေါ် တင်ကာ ခရီးဆက်ခဲ့ ကြသည်။ ဆိုင်ကယ် မောင်းသူနှင့် နောက်ကလိုက်သူ နှစ်ဦးအကြား ဖိုးနီ ထိုင်ရသည်။
သူတို့ ဘယ်သွားမည်နည်း။ ဖိုးနီ မသိပါ။ သို့သော် သူ့ကို ထွေးပိုက်ထားသော လက်များတွင် စာနာမှုများ ပါသည်ဟုတော့ ခံစားရသည်။ ကလေး ဖမ်းသူများ ဘယ်နည်းနှင့်မျှ မဖြစ်နိုင်။ တစ်ညလုံး ချမ်းတုန် ခဲ့ရသော ဖိုးနီသည် နွေးထွေးသော ခန္ဓာကိုယ်ငွေ့ များကြားတွင် နွေးကာနေသည်။ အချိန်တော့ ဘယ်လောက် ကြာသည်လည်း မသိ။ တောလမ်းထဲ ကွေ့ကွေ့ကောက်ကောက် သွားရသည်။ ကုန်းကလေး များကို တက်ရသည်။ တစ်နေရာ တွင်တော့ ဆိုင်ကယ်ကို စက်သတ်ကာ ရပ်လိုက်ကြသည်။ သူတို့အားလုံး ဆိုင်ကယ်ပေါ်က ဆင်းကြသည်။ ဦးတည်လိုသော နေရာသို့ ရောက်ခဲ့ပြီဟု ဖိုးနီ ထင်ပါသည်။
ပတ်ဝန်းကျင်ကို စူးစမ်းရန် လှည့်ကြည့်လိုက်တော့ ဖိုးနီသည် မြင်ကွင်းကို တအံ့တသြ ငေးမော နေရသည်။ သူရောက်နေသော နေရာသည် သစ်ပင်များ အုပ်မိုးလျက်။ အလယ်တွင် ရှင်းလင်းကာ တဲများ ဆောက်ထားသည်ကို တွေ့ရသည်။ တာလပတ်များ မိုးထားသော ဖက်များ ကာရံထားသော တဲကြီးများ ထဲ၌ လူများစွာ တွေ့ရသည်။ သူတို့ အရွယ်ကလေး ငယ်များ၊ သူ့ထက် ငယ်သော ကလေးများသည် မြေပြင်တွင် ဆော့ကစားနေသည်။ ရွာလား။ ဟင့် အင်း မဟုတ်ပါဘူး။ ဒါရွာနှင့် မတူပါ။ လယ် စောင့်တဲများထက်ပင် အနေစုတ်ချင် နေသော တဲကြီးများ နေရာ ကွက်ကွက်လေးမှာ စုစည်း နေတာသည် ရွာနှင့် မတူပါ။ ဒါဆိုဘာများ ပါလိမ့်။
ဖိုးနီသည် ကြာကြာ မတွေးနိုင်။ သူ့ကို ခေါ်လာသူ နှစ်ဦးက ခြေလှမ်းပြင်ပြီမို့ သူတို့နောက် လိုက်ရသည်။ ဖိုးနီက ကစားနေသော ကလေးတို့ အနီးမှ ဖြတ်လျှင် ညီမလေးနှင့် ညီလေးကို ပြင်းစွာ အောက်မေ့လေ၏။ သူတို့ ဘယ်ရောက် နေပြီနည်း။ အမေ၊ အဖေတို့ ကရော ဘယ်မှာပါနည်း။ သည်တဲများတွင် ရှိနေလေ မည်လား။ ဖိုးနီသည် မျှော်လင့်ခြင်းဖြင့် မျက်နှာလေး ရွှင်လာပြန်သည်။
“ဟေ့ နင် ဖိုးနီ မဟုတ်လား”
ကလေးတစ်သိုက် ထဲက အသံထွက် လာလျှင် ဖိုးနီက ငဲ့ကြည့်လိုက် ပါသည်။ မျက်ဝန်း ကျဉ်းကျဉ်းလေးများ ပိတ်သည်အထိ ပြုံးရယ်ပြ နေသူကို ဖိုးနီ ကောင်းစွာ မှတ်မိသည်။ ဒုတိယ တန်းမှာ တစ်တန်းတည်း နေခဲ့ရသော ဖိုးနီ၏ သူငယ်ချင်း ပါပေ။
“အားဘူ..အေး..နင်တို့ ဒီမှာ ဘယ်လိုလုပ် ရောက်နေတာလဲ”
“ငါတို့လည်း ပြေးလာတာ ပဲကော။ နင့် အဖေတို့ရော”
“မပါဘူးဟ။ ငါတစ်ယောက်တည်း လမ်းကွဲသွားတာ။ ဒီမှာ ရောက်နေမလား မသိဘူး။ နင် တွေ့သေး သလားဟင်”
“မရောက် ပါဘူးဟယ်။ ငါမြင်ရင် သိပါတယ်”
ဖိုးနီသည် သက်ပြင်းလေး ချလိုက်မိသည်။ သူ့ မျှော်လင့်ချက် လေးသည် ဟုတ်ခနဲ ငြိမ်းသွားသော မီးညွန့် ကလေးလိုပင်။ ရှေ့တွင်တော့ သူ့ကို ခေါ်လာ သူတို့သည် ဆရာမလေး တို့အရွယ် အစ်မကြီး တစ်ယောက်နှင့် စကားပြောကာ နေသည်။ ကချင် စကားများ နှင့်သာ ပြောသည်ဖြစ်၍ ဖိုးနီ နားမလည်ပေ။ သို့သော် သူ့အကြောင်း ပြောနေ မှန်းတော့ ဖိုးနီ သိပါသည်။ ထို့နောက် သူ့ကို လာခေါ်သည်ကို ကြုံရသည်။ သည်မှာပင် ဖိုးနီ နေရဦး မည်တဲ့။ အားဘူကတော့ သူတို့တဲသို့ ခေါ် သွားလိုသည်။ သို့သော် အားဘူတို့ နေသည့်တဲတွင် လူက များလှပြီ။ မျက်နှာချင်း ဆိုင်ကတဲတွင် ဖိုးနီ နေရပါသည်။ လူကြီးများ အကြားတွင် ဖိုးနီကို နေရာ ပေးထားသည်။ သူတို့ချင်း ပြောကြသော ကချင်စကားကို ဖိုးနီ နားလည်သည် မဟုတ်။ မျက်နှာများက နွေးထွေးမှု ကိုတော့ ကလေးပေမဲ့ ဖိုးနီ သိပါသည်။
တစ်ညလုံး ပြေးလွှား ခဲ့ရသော ဖိုးနီ အတွက်တော့ အားဘူတို့ ကလေး တစ်သိုက်နှင့် အတူ စားရသော ထမင်းမှာ မြိန်လှသည်။ တကယ်တော့ ဟင်းက ဘာမျှ ပါသည်မဟုတ်။ ပဲပြုတ်တစ်ခွက် မျှသာ။ သို့ပေမဲ့ ဆာလောင် နေသည်မို့ ထမင်းကုန်အောင် စားပစ်လိုက်သည်။
သည်ကြားထဲ အမေချက်ပေး တတ်သော စွန်တန် ဟင်းရည်နှင့် ငါးကြော်လေးများ ကိုပင် သတိရ သေးသည်။ ညီမလေးနှင့် ဟင်းလုစားရ သည်ကို အမှတ်ရသည်။ သူတို့သည် ဘယ်နေရာမှာ ရှိနေသနည်း။ ဖိုးနီလို တဲတို့၊ ထမင်းတို့ ရှာတွေ့ရဲ့လား။ ပူပင် သောကနှင့် ခေတ္တမျှ ငေးငိုင်ရ သော်လည်း ကလေး ပီပီပင် တစ်အောင့်မျှ ကြာလျှင် မေ့သလို ရှိလာပြန်သည်။ အားဘူတို့နှင့် ကုန်းကလေး ထက်တွင် ပြေးတမ်းလိုက်တမ်း ကစား နေပြန်သည်။ သူတို့သည် လူကြီးများလို သောက များတတ်သေးသည် မဟုတ်။ ကောက်မရိတ်ရ သေးသည်ကို မပူပင်တတ်။ နောက်နှစ်အတွက် ဆန်မရှိ မည်ကို မတွေးတတ်။ မနက်ဖြန်တွင် ဘာဖြစ် လာဦးမည်ကို မကြောက်တတ်။ ဘာမျှ မသိတတ် သေးသော စိတ်နှလုံး များနှင့်သူတို့ ရယ်မော နိုင်ကြသေးသည်။
နေ၀င် မိုးချုပ်တော့ ညစာ စားပြီးသည်နှင့် သူတို့ အိပ်ရာ ၀င်ကြသည်။ တဲများသည် ခဏမျှ ကြာလျှင် အမှောင်ကြားတွင် တိတ်ဆိတ်ကာ နေသည်။ လေသည် ဖက်ရွက်များ ကြားက တိုးဝင်လာသည်။ ချမ်းမြသော လေကြောင့် ဖိုးနီ တုန်စ ပြုလာသည်။ သို့သော် သူ့တွင် စောင်မရှိ။ တစ်ဖက်မှာ အိပ်သော အဘိုး တစ်ယောက်က ခြုံစောင်ကို လွှမ်းပေးသေးသည်။ သို့သော် သူ လူးလိမ့် နေရင်းမှာပင် စောင်လျှော ကျရသည်။ နှစ်ယောက် ခြုံနိုင်သော စောင်မဟုတ် သည်မို့ ဆွဲယူရန် ရွံ့ရ၊ အားနာရ သေးသည်။ ကွေးကွေးလေး နေရင်တော့ အချမ်း ပြေမှာပဲ။ ဖိုးနီသည် မျက်လုံးကို စေ့ပိတ်ထားသည့် ကြားက အမေ့ ရင်ခွင်ကို လွမ်းစ ပြုလာသည်။ အိမ်မှာတော့ ဆင်းရဲသည် မှန်သော်လည်း နွေးထွေးသေးသည်။ အမေ့နား တိုးကပ်နိုင်သည်။ ညီမလေးနှင့် စောင်လု ခြုံနိုင်သည်။ အဖေ့ကိုယ်ငွေ့ ကိုလည်း ငယ်တုန်းက ခိုလှုံ ခဲ့သည်ကို သတိရ လာသည်။ နောင်တော့ ဘယ်လိုပင် မိဘများက ဆူသည်ဖြစ်စေ စိတ်မကွက် တော့ပါဘူးဟု တစ်ဆက်တည်းပင် စဉ်းစား နေပြန်သည်။ သည်လိုနှင့် ချမ်းချမ်းနှင့် ကွေးရင်းက သူ အိပ်ပျော် သွားခဲ့သည်။
နောက်တစ်နေ့ မိုးလင်းလာလျှင် ချမ်းအေးလှဆဲ ဖြစ်သည်ကို တွေ့ရလေသည်။ ဖိုးနီသည် တခြား ကလေးများနှင့် အတူ မီးလှုံရ၏။ သူတို့တွင် အင်္ကျီ အနွေးထည် မရှိပါပေ။
အချိန်တန်လျှင် လူကြီးများက ချက်ပြုတ်ကြသည်။ ဆန်က နည်းခဲ့ပြီဟု ပြောသံ ကြားရသည်။ အေးလေ အိမ်ပြန် ရတော့မှာပဲ။ ဖိုးနီက ကလေး ပီပီပင် တွေးနေသည်။ သူအိမ်ပြန် ချင်ပြီ။ မိဘ မောင်နှမ များကို တွေ့ချင်လှပြီ။ မကြာခင် ပြန်ရတော့ မည်ဟုပင် သူထင်နေသည်။ ထို့ ကြောင့်ပင် ပူစရာဟု ဘယ်အရာ ကိုမျှမမြင်။ သူ့လိုပင် တခြား ကလေးများ သည်လည်း မကြာခင် အိမ်ပြန် ရမည်ဟု တွေးလေ သလားမသိ။ သူတို့ တစ်တွေသည် ဆော့ကစားကာ စကားဆိုကာ ရှိနေပြန်သည်။ သူ့ရွာအကြောင်း၊ ကိုယ့်ရွာအကြောင်း ပြောကြသည်။ ကျောင်းတက်သူ တို့ က ကျောင်းအကြောင်း ပြောကြသည်။ ဆ ရာမ အကြောင်း ပြောကြသည်။ ကောက်သစ် စားပွဲများ အကြောင်း ပြောကြသည်။ လယ်ထဲမှာ မိဘ ကူရသည့် အကြောင်းများလည်း ပါသည်။
“အားဘူ နင်တို့ ဘယ်တော့ ပြန်ကြမလဲ”ဟု ဖိုးနီက မေးသေးသည်။
“အေး ဖိုးနီရဲ့။ အနူးက ပြောတာတော့ ရွာဘက်မှာ အေးရင် ပြန်ချင်တယ်တဲ့။ စပါးလည်း ရိတ်ရ ဦးမယ်လေ။ ငါလည်း ကျောင်းမတက် ရဘူး မဟုတ်လား”
“နင် ပြန်ချင်ပြီလား။ ငါလည်း ပြန်ချင်ပြီ ဝေး”
“ပြန်ချင်တာ ပေါ့ဟယ်။ ဒီအချိန်ဆို တို့ရွာမှာ ခရစ္စမတ် နီးလို့ ပျော်စရာပေါ့။ နင်တို့ ဆီမှာလည်း ဘုရားပွဲတွေ နီးပြီပေါ့။
“အေးပေါ့ဟ”
ဖိုးနီတို့သည် သစ်ပင်ရိပ်များတွင် တစ်နေကုန် နေကြသည်။ စာသင်စရာ လည်းမရှိ။ ကျောင်းများသည် အဝေးတွင် ကျန်ခဲ့ကြ လေပြီ။ ဖိုးနီ တစ်ယောက်တည်း အတွက် ဆိုလျှင်ကား သူနားပူ တတ်သော အဖေ့ ဆူသံများ ကိုလည်း ကြားစရာ မလိုတော့။ အိမ်အလုပ်များကိုလည်း လုပ်ရန် မလိုတော့။ ညီမလေး နှင့်လည်း ငြင်းခုံရန် မလိုတော့ပေ။ သို့သော်ဘာကြောင့် မပျော်ပါ သနည်း။
အားဘူကတော့ ရွာကိုလွမ်းကြောင်း ခဏခဏ ပြောသည်။ ဖိုးနီကလည်း စဉ်းစား၏။ သူလွမ်းသလား။ ရွာကို လွမ်းသလား။ တကယ့်တကယ် စဉ်းစားတော့လည်း သစ်ပင်စိမ်းများ ရိပ်မိုး ထားသည်ဖြစ်သော ရွာကလေးကို မြင်ယောင်လာသည်။ သူငယ်ချင်းများနှင့် ပြေးလွှား ဆော့ကစား ခဲ့ရသော ရွာလမ်းကို သတိရသည်။ ရွာဦး စေတီက ဆည်းလည်းသံကို ပြန်လည်ကြား ယောင်သည်။ လယ်ကွက်များ ကိုပင် သတိရ စရာ ဖြစ်ရသည်။
နောက်ဆုံးတော့လည်း သူ့စိတ်သည် သူ့မိသားစု နှင့်အတူ နေထိုင်ခဲ့ရာ အိမ်ကလေးတွင် ရပ်တန့်တော့၏။ အိမ်ကလေး ထဲက ရယ်သံများ။ ညီလေး၊ ညီမလေး တို့နှင့် အဖေ ရယ်မောနေလျှင် သူပါ ပျော်ရွှင်ခဲ့သည်။ အဖေသည် သူ့ကိုချစ်ခင် ရင်းနှီးစွာ မနေတတ် သော်လည်း အားကိုး တတ်သည်ဟု အမေ ပြောဖူးသည်ကို သတိရ လာ၏။ ဟုတ်မှာပဲ ဟုလည်း အဖေ့ကို မြင်ယောင်ကာ တွေးစပြုလာ ပြန်သည်။
“ငါလည်းအိမ်ကို လွမ်းတယ်ဟ”ဟု ဖိုးနီသည် အားဘူ၏ စကားကို ထောက်ခံလာသည်။
“အေးဟယ် အိမ်ပြန်ရရင် ကောင်းမှာပဲ နော့”
ခဏ ကြာတော့လည်း သူတို့သည် ကလေးတို့၏ စိတ်ပြောင်းလဲ လွယ်ခြင်းနှင့် အသားကျ လာပြန်သည်။ ရယ်ကာမောကာ ရှိလာပြန်သည်။ အားဘူကတော့ စခန်းသို့ စောစီးစွာ ရောက်လာခဲ့သူ ဖြစ်လေရာ သူ့တွင် ပြောစရာ များစွာ ရှိလေသည်။
“နင့်လိုပဲ စခန်းမှာ အဖေ၊ အဖေ မပါဘဲ ရောက်လာတဲ့ ကလေးတွေ ရှိသေးတယ် သိလား။ တချို့ လူတွေလည်း ကွဲကုန်တာ ပဲတယ်။ ငါတို့တောင် ကံကောင်းလို့ မကွဲတာ။ တို့တော့ ညပြေးတာ မဟုတ်ဘူး။ နေ့ခင်းဘက် ပြေးလာတာ။ အစကတော့ အနူးတို့က မပြောင်းဘူး လို့ပဲ။ ဒါပေမဲ့ နောက်တော့ မရတော့ ဘူးလေ။ တိုက်ပွဲတွေက တဖြည်းဖြည်း နီးလာတာကိုး”
“ဒီမှာ ဆန်ကုန်ရင် ငါတို့တော့ ဒုက္ခပဲတဲ့။ လူကြီးတွေ ပြောတာ ကြားခဲ့တယ်”ဟု ဘောက်ဂျာ ဆိုသော ကောင်မလေး တစ်ယောက်က ၀င်ပြောသေးသည်။ ဖိုးနီကတော့ ထုံးစံအတိုင်း တွေးပြန်သည်မှာ အိမ်ပြန်မှာ ပေါ့ဟုပင်။ သို့ပေမဲ့ ရွာကို ဘယ်လမ်းက သွားရမည်နည်း။ ဒါက သိပ်တော့လည်း ပူစရာ ရှိမည်မဟုတ်။ လူကြီးများက လမ်းပြ ပေးမှာပါ။ ပူပန်စရာ မှာတော့ ဘယ်သူမှ မရှိသော အိမ်သို့ မပြန်လို ခြင်းတည်း။
အတွေးများနှင့် ငေးငိုင်နေသော ဖိုးနီသည် လူသံများ အုတ်အုတ်ကျက်ကျက် ကြားရတော့ နားစွင့်မိ၏။ တစ်ချက်တစ်ချက် ပျံ့လွင့် လာသည်မှာ ကချင် စကားများသာ ဖြစ်၍ ဖိုးနီ နားမလည်။ အားဘူက တစ်ချက်ခုန် ထကာ လူသစ်တွေ ရောက်လာတယ် ဟေ့ဟု ဖိုးနီကို ပြောသည်။ ပြီးတော့ ရှေ့က ပြေးသွားသည်။ ဖိုးနီလည်း သူ့နောက်က ပြေးလိုက်လာ၏။
“ဖိုးနီ နင့်အမေ မဟုတ်လား”
အားဘူ၏ ၀မ်းသာအားရ အသံကြောင့် ဖိုးနီသည် လူအုပ်ကြားထဲ တိုးကြည့်လိုက်သည်။ စခန်းက လူကြီးများနှင့် စကားပြော နေသည်မှာ အမေပါ တကား။ အမေသည် ညီလေးကို ပွေ့ဖက်လျက်သား။ တခြားသူ များလည်း ပါသေးသည်။ စခန်းတွင် နေရာချကာ အလုပ်ရှုပ်စ ပြုနေသည် ကိုလည်း မြင်ရ၏။ အမေသည် သူ့အနား တိုးကပ်လာသော ဖိုးနီကို မြင်လျှင် ၀မ်းသာ လှိုက်လှဲခြင်းနှင့် ပြုံးလာသည်။ ရုပ်ရှင်ကားများ ထဲကလိုတော့ ပြေးမဖက်။ ငိုလည်း မငို။ ငိုရန်ပင် မျက်ရည်များ ကုန်ခဲ့ပြီလား မသိ။
“အမေ၊ အဖေတို့ရော”
“ကွဲသွားတယ် ဖိုးနီရဲ့။ ဘယ်ရောက်သွား မှန်းတောင် မသိဘူး”
အမေသည် ခုမှပင် မျက်ရည်ဝဲစ ပြုလာသည်။ ဖိုးနီကို ထွေးဖက်ထားသည်။ နောက်ထပ် ပျောက်သွားဦးမှာ ကြောက်နေတော့ သလိုပင်။ ဖိုးနီသည်လည်း အမေ့ခါးကို တိုးဖက် ထားမိသည်။ ညီလေးကိုပင် ပိုချစ်ခင် လာမိ၏။
သည်လိုနှင့် ညမှာတော့ သားအမိများ အတူနေခွင့် ရကြလေသည်။ စခန်းမှာတော့ ရှိသည့် တဲအကျယ်နှင့် လူဦးရေက မမျှခဲ့ပြီ ဖြစ်ရာ လူများမှာ လူးသာ လှည့်သာပင် မရှိပေ။ ဆောင်းရာသီ ဖြစ်၍ လူငွေ့နှင့် နွေးထွေးသည် ကိုပင် ကျေးဇူးတင်ရ မလိုတည်း။
ဖိုးနီနှင့် အမေသည် ညီလေး အိပ်စက်နေသည့် အနီးမှာ တိုးကပ်ထိုင်နေ ကြသည်။ အမေသည် အပြင်ဘက် မြင်ကွင်းကို ငေးနေ၏။ အပြင်တွင် မြင်ကွင်းသည် အမှောင်သာ။ မီးဖိုက မီးတို့ ငြိမ်းခဲ့ပြီ။ လကွယ်ညမို့ ပိန်းပိတ်အောင် မှောင်လျက်။ သည်ပြင်ပ ကိုပင် အမေသည် ဘာကြောင့်မှန်း မသိ ငေးကာနေသည်။
ဖိုးနီသည် အမေနှင့် ပြန်တွေ့ရသည့် အတွက် အခါများစွာ ကထက် အားတက် လာရသည်။ မကြာခင် သူတို့အိမ်ပြန် နိုင်တော့မည်လား မသိ။ အဖေတို့လည်း ပြန်ရောက်ရင် ရောက်လာမှာပေါ့။ သူသည် အတွေးနှင့် ရွှင်လန်းစွာ ပြုံးလိုက်သည်။ အခုတော့ ရွာအပြန် လမ်းကို မမှတ်မိလည်း ရပါပြီ။ အမေ ရောက်လာပြီ မဟုတ်လား။ အမေနှင့် အတူ ပြန်ရလျှင် အိမ်ကို ချောမောစွာ ပြန်ရောက် နိုင်မည်ဟု သူထင်ပါသည်။
“အမေ သားတို့ ဘယ်တော့ အိမ်ပြန်ရ မလဲဟင်”
အမေသည် သူ့အမေးကို မကြားဘူးလား မသိ။ မမြင်ရသော အမှောင်ကိုပင် ငေးမြဲငေး နေလေသည်။
ဖိုးနီသည် လမ်းကလေး ပေါ်တွင် တစ်ယောက်တည်း ယိုင်နဲ့နဲ့ လျှောက်လာသည်။ တစ်ညလုံး သူတောတိုး ခဲ့ရသည်။ ယခု နံနက်တွင်မှ သည်လမ်း ကလေးကို တွေ့ပေသည်။ တောမှာမွေးသော ကလေးငယ် တို့၏ သိတတ်ခြင်းဖြင့် သည်လမ်းသည် ကားလမ်းမကြီး သို့မဟုတ် လူတို့ နေထိုင်ရာ ရွာများ ဆီရောက်မည်ဟု သူအလိုလို သိနေသည်။ သည့်အတွက် ကြောင့်ပင် ၀မ်းသာ လှိုက်လှဲခြင်းသည် သူ့ခြေလှမ်း များကို သွက်စေသည်။ သို့သော် ပုံမှန် ခြေလှမ်းတော့ မဟုတ်။ တရွတ်ဆွဲ ရတော့မလို အားအင်ကုန်ခန်း နေသော ခြေလှမ်းများ ထက်တော့ နည်းနည်းသာသည် ဆိုရမည်။ သူအားရှိ လာသည်ဟု ခံစားရ၏။ သို့သော် မောလှပြီ။ တစ်နေရာ ရာတွင် ပစ်လှဲလိုက်ချင် စိတ်သည် သူ့ရင်ထဲ ကြီးစိုးကာ နေသည်။ ထိုတစ်နေ ရာသည် သူ့အိမ်က ၀ါးကြမ်းခင်း ကလေးများ ဖြစ်လျှင် ဘယ်လောက်များ ကောင်းလိုက်မည်နည်း။
ငိုက်စိုက်စိုက် လျှောက်လာသော ခြေလှမ်းများကို ရပ်ကာ ဖိုးနီနောက်သို့ လှည့်ကြည့်မိသည်။ သူဘယ်ရောက် နေသည်လဲ မသိ။ အိမ်နှင့် အလွန့်အလွန် ဝေးလံသော နေရာသို့ ရောက်နေပြီ ဟုသာထင်သည်။ မိုင်အားဖြင့် သူမသိ။ ခြေထောက်များ ညောင်းညာခြင်း ဖြင့်သာ ခရီး ဝေးသည်ကို မှန်းတတ်သည်။ သူ့အိမ် ကလေးသည် နောက်ကျောဘက် မိုင်များစွာ ကွာဝေးသော နေရာတွင် ကျန်ခဲ့သည်လား။ လက်ဝဲဘက်၊ လက်ယာဘက် ကနေ ဦးတိုက်သွားလျှင် ရောက်နိုင်သည်လား သူမသိပေ။
သူ နားလည်သည် မှာတော့ သူသည်အိမ်နှင့် မိုင်များစွာ ဝေးခဲ့ပြီ။ မိဘတို့နှင့် တကွဲစီ ဖြစ်ခဲ့ပြီ။ အိမ်ပြန်ရန်လည်း မဖြစ်နိုင်သေး။ အိမ်ကို ထားခဲ့ရ ပြီတည်း။
ဖိုးနီတို့ ရွာကလေးသည် တောင်တန်းများ ရိပ်မိုးထားသော နေရာမှာ ရှိလေသည်။ ရွာကို ချောင်းငယ် တစ်ခုက ဖြတ်စီးသွားသည်။ ရွာတွင် အိမ်ခြေများစွာ ရှိသည်မဟုတ်။ မူလတန်း ကျောင်းမျှသာ ရှိသော ရွာတစ်ရွာပင်။ ထိုရွာ ကလေးတွင် ဖိုးနီ မွေးဖွား ကြီးပြင်းခဲ့သည်။
ကောက်ပင်တို့ လယ်ယာမြေတွင် စတင်စိမ်းလန်း ကြသော မိုးရာသီ၌ ဖိုးနီကို မွေးဖွား ခဲ့လေသည်။ များစွာသော လယ်သမား သားသမီးများ လိုပင် အမေ့ ကျောပေါ်မှာ ကတည်းက လယ်ကို ကျွမ်းဝင်ရသည်။ အမေက ဖိုးနီကို ကျောပိုးကာ ကောက်ရိတ်သိမ်း ခဲ့သည်။ အဖေနှင့် ဒိုးတူပေါင်ဖက် လုပ်ကိုင် ခဲ့ကြသည်။ လယ်ကတော့ ဧကများစွာ ရှိသည် မဟုတ်ပေ။ ၀မ်းစာအပြင် နည်းနည်းမျှသာ ပိုလျှံသည်။ ကြွေးမတင် ရုံသာ ရှိခဲ့သည်တဲ့။ သူနားလည် တတ်ချိန်မှာ အမေက ပြန်ပြောင်းပြောပြ တတ်လေသည်။
ဖိုးနီသည် လယ်ထဲတွင် အဖေ ပင်ပန်းလှ သည်ကို သတိရ၏။ အဖေက အလုပ်ကို အပင်ပန်း ခံလုပ်တတ်သည်။ စပါးစိုက်ချိန် ဆိုလည်း အပတ်တကုတ် လုပ်သည်။ အဖေ့ဘက်က တူတစ်ယောက်နှင့် ထွန်ချကြ၊ စိုက်ကြ၊ ပျိုးကြသည်။ ခြံထဲတွင်လည်း စားပင်သီးပင် စိုက်ရသေးသည်။ တောထဲတက်ကာ ထင်းရှာသေးသည်။ ငါးရှာ တတ်သေးသည်။ အဖေသည် ကြွက်သား အပြိုင်းပြိုင်းနှင့် အလွန် သန်စွမ်းသည်။ အဖေ့ ပခုံးကို ခိုတွဲ ထားရလျှင် ဖိုးနီ အလွန်ပျော်သည်။ သို့သော် အဖေ့ကို သူအချိန် ကြာမြင့်စွာ တွယ်ကပ်ခွင့် ရခဲ့သည်တော့ မဟုတ်ပါပေ။ သူ့အောက်က ညီမလေး ရလာချိန် မှာတော့ ဖိုးနီသည် အမေ့ ရင်ခွင်ထဲက ညီမလေးအား အဖေ မြှူသည်ကိုသာ တွေ့လာရသည်။ ညီမလေးကို ပွေ့ချီကျီစယ် သည်ကို မြင်လာရသည်။ ဖိုးနီကို အဖေ မမြင်တော့ပြီ။
သို့သော် သူသည် မနာလိုလည်း မဖြစ်တတ် ပါပေ။ ကောင်းစွာပြေးလွှား ဆော့ကစား တတ်ပြီမို့ အိမ်နီးချင်း ကလေး တစ်သိုက်ကို ပြောင်းလဲခင်တွယ် တတ်ခဲ့သည်။
သူကောင်းစွာ သိတတ်ပြီ ဖြစ်သော အသက် ခြောက်နှစ်ခန့်တွင် ညီမလေးက သုံးနှစ်ရှိပြီ။ ထိုစဉ်က သူကျောင်းနေ ရသည်။ ရွာထဲက မူလတန်း ကျောင်းကလေး မှာပင် နေရသည်။ ဖိုးနီအတွက် အမေက လွယ်အိတ်အသစ် ၀ယ်ပေးသည်။ ကွန်ပါဘူးလေး ၀ယ်ပေးသည်။ သူသည် စာသင် ရသည်ကို အလွန်ပျော်ရွှင် ခဲ့လေသည်။ ဉာဏ်လည်းကောင်း၏။ တစ်နှစ်တစ်တန်း အောင်ခဲ့သည်။ ဖိုးနီ အတွက်တော့ ကလေးပီပီ ပျော်ရွှင်ခဲ့သော၊ အပူအပင် ကင်းခဲ့သော ကာလများ။ မြို့ကလာသော ဆရာမလေး ကတော-့
“ဖိုးနီဟာ ပညာရေး ဖြစ်ထွန်းမယ့် ကလေး”ဟု အမေ့ကို တစ်ကြိမ်မှာ ပြောတာ ကြားဖူးသည်။
သို့ပေမဲ့ ကျောင်းမှာ နောက်ဆုံးနေခဲ့ ရသည်ကတော့ ဖိုးနီ ဒုတိယတန်း အောင်သည် အထိပါပဲ။ သူဒုတိယတန်း ရောက်သည့်နှစ်တွင် ညီမလေးက သူငယ်တန်း တက်ပြီ။ အမေသည် နောက်ထပ် ညီလေး တစ်ယောက်ကို မွေးဖွား၏။ သူသည် အလိုလိုပင် ညီမလေးကို ထိန်းရသည်။ ညီလေးကို ထိန်းရသည်။ အမေတို့ လယ်ထဲဆင်းသည့် အခါ ထမင်း ချက်ရသည်။ ရေသယ်ရသည်။ ရှစ်နှစ်မျှသာ ရှိသေးသော်လည်း လူကြီးလေး ပမာ အိမ်မှာ အသုံးတည့် နေသည်။
အိမ်အလုပ်နှင့် ကျောင်းစာများ အကြား ဖိုးနီက အသားတကျ ရှိဆဲ။ သည်မှာပင် အမေတို့က သူ့ကို ကျောင်းထုတ်ရန် ကြံလေသည်။ ဖိုးနီသည် တစ်ခဏ မျှတော့ ၀မ်းနည်းခြင်း ဖြစ်လိုက်သေးသည်။ သို့သော်လည်း အမေ၏ ညှိုးနွမ်းသော၊ ပင်ပန်းသော မျက်နှာကို ငယ်ရွယ်သော်လည်း သိတတ်ခဲ့သည်။ ကျောင်းပြန်ဖွင့်တော့ မိုးရာသီ အစ ပြုချိန်။ အမေတို့က လယ်ထဲ ဆင်းကြပြီမို့ ဖိုးနီသည် ညီလေးထိန်းကာ၊ ထမင်းချက် ကာနှင့် ညီမလေး ကျောင်းသွားသည်ကို ထမင်းစောင့် ကျွေးရသည်။ ညနေခင်း များမှာ ကျွဲသိမ်းရသည်။ သူ့လွယ်အိတ် ကတော့ စုတ်ခဲ့ပြီ ဖြစ်လေရာ လက်နှီးသာ ဖြစ်သွားလေသည်။
အတန်းဖော်များ ခြံရှေ့က ဖြတ်လျှင် ဖိုးနီသည် ကလေးပိုးကာ ချော့မြှူရင်း ပြုံးပြနှုတ်ဆက် ရသည်။ သူတို့တွေ ကျောင်းဆင်းချိန်ကို စောင့်ကာ ဆော့ကစား ရသည်။ ဆရာမ လေးက မျက်ရည်ဝဲချင် သည်ကို ဘာကြောင့်မှန်း မသိ” မစဉ်းစားနိုင်။ ကိုယ့်ဘ၀ကိုယ် ကျေနပ်ကာ နေခဲ့သည်။
သို့သော် ရံဖန် ရံခါတော့ ဖိုးနီမှာလည်း မကျေနပ်ချက် ကလေးများ ရှိရသည်ပင်။ အဖေသည် သူနှင့် ခုနောက်ပိုင်း စိမ်းလာသည်။ သူ့ကိုတော့ ဖိုးနီဟု တုံးတိတိ ခေါ်တတ်သည်။ ညီမလေးနှင့် ညီလေးကိုတော့ သမီးရေ၊ သားငယ်ရေဟု ခေါ်သည်။ ညီလေးကို ချီပိုးကာ နေပြန်သည်။ ညီလေးကို မြှူလျှင် ပြုံးရွှင်နေသည်။ ညီမလေး စာကျက် နေလျှင်လည်း ပြုံးနေပြန်သည်။ ဖိုးနီကိုကား ဆူပူစရာ များသာရှာတွေ့ နေသည်လား မသိ။ မျက်ထောင့် နီနှင့်သာ ဆူပူသည်ကို နေ့စဉ်လို ကြုံရသည်။
တစ်ရက်မှာတော့ ညီလေးကို အိမ်ရှေ့ခန်းတွင် သိပ်ထားတုန်း သူသည် မီးဖိုထဲမှာ ညနေစာ ထမင်းအိုး တည်နေခဲ့သည်။ အိမ်ရှေ့က ဒုန်းခနဲ အသံကြား၍ ပြေးကြည့်လျှင် ညီလေးသည် ပုခက်ထဲ ကနေ ကြမ်းပြင်ပေါ် ကျပြီး စူးစူးဝါးဝါး ငိုလျက်ရှိသည်။ အိမ်မှာလည်း မိဘများရှိသည် မဟုတ်။ တတ်သလောက်၊ မှတ်သလောက် ချော့ရသည်။ နဖူး ယောင်သွားသည် ကိုတော့ ဘာလုပ်ရမှန်း မသိ။
ညနေ ရောက်သည့်အခါ အဖေတို့ ပြန်လာလျှင်တော့ ဖိုးနီ အရိုက် ခံရသည်။ အဖေက ဖိုးနီကို ရိုက်သည်။ အဖေရိုက်တာ နာလှ၍ မဟုတ် သော်လည်း ဖိုးနီသည် ၀မ်းပန်းတနည်းပင် ငိုခဲ့သည်။
“အဖေက သားကို မချစ်ပါဘူး အမေရာ”
သူသည် မီးဖိုထဲတွင် အမေ့နား ကပ်နေရင်း တီးတိုး ပြောမိသည်။ အိမ်ရှေ့တွင်တော့ အဖေသည် ညီလေးကို ချော့မြှူလျက်။ ညီမလေးကား စာကျက်လျက်။ သူသည် အဖေ့ လက်မောင်းများကို ၀မ်းနည်းစွာ ငေးနေခဲ့၏။
“မဟုတ်ပါဘူး ဖိုးနီရဲ့။ အဖေပဲ၊ မချစ်ဘဲ ဘယ်မှာ ရှိပါ့မလဲ။ နင့်ကို ချစ်လိုက်တာများ အားကိုးတာပါ ပါတာပဲ။ အမေ အသိဆုံးပေါ့”
ဖိုးနီသည် အမေ့ မျက်နှာကို တအံ့တသြ ငေးနေခဲ့သည်။ သူ ဘယ်သို့ နားလည်ရမည်နည်း။ အဖေဟာ ဖိုးနီကို ဘာကြောင့် အမြဲတမ်း ဆူပူချင် ရတာလဲ။ အမေ့ စကားကို ယုံလှသည် မဟုတ်သော်လည်း ဖိုးနီက ငြိမ်နေခဲ့သည်။ ထမင်းဝိုင်း ကျတော့လည်း အဖေသည် သူမဟုတ် သလိုပင် ဖိုးနီကို စကား ဆိုပြန်သည်။ သို့ပေမဲ့ တုံးတုံး တိတိသာ။ မနက်ဖြန် တောထဲ လိုက်ခဲ့ဦးတဲ့။
သို့နှင့် ဖိုးနီသည် အဖေ လှည်းတစ်စီးနှင့် တောထဲ ၀င်ရာမှာ လိုက်ရပြန်သည်။ သားအဖ တစ်တွေ ထင်းတိုက်ကြသည်။ အိမ်အောက်ဘက်မှာ ထင်းသိုလှောင် ကြသည်။ ဖိုးနီတို့ အိမ်သည် သည်အရပ်က ရှမ်းဗမာ ရွာများတွင် တွေ့ရတတ်သော ခြေတံရှည် အိမ်ငယ်လေးသာ ဖြစ်သည်။ အိမ်အောက်ထပ်မှာ ကြက်ခြံရှိသည်။ ထင်းစင်ရှိသည်။ အိမ်ကတော့ သက်ငယ်မိုး၊ ၀ါးကြမ်းခင်း၊ ထရံကာသာ။ သာမန် လယ်သမား အိမ်မျှပင်။
သည်အိမ်မှသာ မဟုတ်ပါ။ တစ်ရွာလုံး မှာတော့ အိမ်ငယ်လေး များသာ အများစု နေကြသည်။ ကချင်များလည်း ရှိသည်။ တောင်သူ အလုပ်ကိုသာ အဓိက လုပ်ကြလေသည်။ ဖိုးနီတို့ အရွယ် ကလေးများ ကတော့ မိဘကို ကူညီတတ် ကြသည်။ အိမ်အလုပ်၊ လယ်ထဲက အလုပ်များကို တတ်နိုင်သလောက် လုပ်ကြရသည်။ ကျောင်းတက်သူများ ကလည်း ကျောင်းချိန် ပြင်ပမှာ အလုပ်ကူ ကြရသည်။ များသော အားဖြင့်တော့ သူတို့သည် လေးတန်းမျှ အောင်လျှင် ပညာရေး ဆုံးခန်းတိုင် ကြမြဲ။ ဖိုးနီလို လေးတန်းပင် မရောက် သူများလည်း မရှား။ သို့သော် ရွာမှာတော့ ဒါသည် အဆန်းလည်း မဟုတ်ပါပေ။
သူတို့ ကျေးရွာ ကလေးသည် မြို့နှင့်တော်တော် အလှမ်းကွာသည်။ ကချင်ပြည်နယ် ထဲက သာမန် ကျေးရွာလေး တစ်ရွာသာပင်။ မြို့ပေါ်သို့ ဖိုးနီတို့ သိပ်မရောက် ဖူးပေ။ အဖေတို့ ကတော့ စပါးလေး၊ ပဲလေးရောင်းဖို့၊ ဈေးဝယ်ဖို့ ရောက်တတ်သေးသည်။ ဖိုးနီကတော့ အဖေနှင့် တစ်ခါ နှစ်ခါသာ လိုက်သွားဖူးသည်။ မြို့သေးသေး လေးပေမဲ့ သူ့အတွက် ကြီးကျယ်ခမ်းနား နေခဲ့သည်။
“ငါတော့မြို့မှာ မနေချင် ပါဘူးဟေ့”ဟုတော့ ရွာက သူငယ်ချင်း များကို ပြောပြတတ်သည်။ တကယ်လည်း ဖိုးနီသည် ရွာကလေးမှာ ပျော်ခဲ့သည်။ အဖေက သူ့ကို မချစ်ဘူးဟု ထင်မြဲ ဖြစ်သော်လည်း အိမ်တွင် သူပျော်ခဲ့သည်။ ပင်ပန်းသော်လည်း အိမ်အလုပ် များကို မညည်းညူ။ အချိန်တန်၍ လယ်ထဲ ဆင်းရလျှင်လည်း သူသည် အဖေ့လို လယ်သမား စစ်စစ်သာ ဖြစ်လာဦးမည်။ ကောက်နှံပင် များကို မြင်လျှင်သူလည်း ပျော်တတ်သည်ပင်။ ကောက်နှံများ ရိတ်သိမ်းချိန် တွင်တော့ သူတို့ ရွာကလေး များသည် ပွဲလမ်းများနှင့် ပျော်မွေ့ဖွယ် ဖြစ်လာမြဲ။ သည်လိုသာ မပြောင်းမလဲ ရှိဦးမည်ဟု ဖိုးနီက ကလေးပီပီ တွေးထင်ခဲ့သည်။
သို့သော် မမြင်ရသော ကံကြမ္မာသည် ဖိုးနီတို့ဆီ ဆိုက်ရောက် လာခဲ့သည်။ ဖိုးနီတို့ ရှမ်းဗမာ ရွာကလေးများ သာမက အနီးဝန်းကျင် တစ်ဝိုက်က ကချင်ရွာကလေး များကိုလည်း ဆိုက်ရောက် ခဲ့သည်ပင်။ ပထမတော့ လူကြီးများ ကျိတ်ကျိတ်ကျိတ်ကျိတ် စကားပြောတတ် ကြသည်ကို သူတို့ ဆန်းသည် မထင်သေး။ နောက်တော့ ညဘက်ဆို အသံ တချို့ကို အဆန်းတကြယ် ကြားလာရသည်။ မိုးလင်းလျှင်တော့ ညက ဟိုရွာမှာ ဘာဖြစ်လို့တဲ့ ဆိုသော အသံများ ညံစီ နေပြန်သည်။ လယ်ယာ ထဲသို့တော့ ပုံမုန် ဆင်းနိုင်ဆဲ။ ဖိုးနီတို့ ရွာလေးက အေးချမ်းဆဲ။
ဆောင်းရာသီ စ၀င်လျှင်တော့ ကောက်နှံများ ရင့်မှည့်ပြီ။ မကြာခင် ရိတ်သိမ်း ရတော့မည်။ အဖေနှင့် အမေတို့က စိတ်ကူးနှင့် မျှော်မှန်းဆဲ။ တစ်ညမှာတော့ မုန်တိုင်း မွှေသလို အသံများက သူတို့နှင့် သိပ်မဝေး တော့ပြီ ဆိုသည်ကို သိရသည်။ ရွာက ဗီဒီယို ရုံများတွင် ကြည့်ရတတ်သော ဇာတ်ကား ထဲကလို အသံများသည် ကလေးများကို အထိတ်တလန့် ငိုကြွေးစေသည်။ လူကြီးများ ကလည်း ထိတ်လန့်ကြသည်။ အသံများသည် တဖြည်းဖြည်းနှင့် သည်းထန်လာသည်။
“ဖိုးနီရေ ဒီအထုပ် လေးဆွဲ”ဟု အမေက ပြောသည်။ အမေသည် ညီလေးကို ချီလျက်။ အဖေကတော့ ညီမလေးကို ပွေ့ဖက်လျက်၊ ဖိုးနီသည် အမေ လှမ်းပေးသော အထုပ်ကို ပိုက်ကာ အိမ်ပေါ်က အမြန် ဆင်းရသည်။ တစ်ရွာလုံးသည် အသက်ဝင် ဆူညံ နေပေသည်။ ဖိုးနီတို့သည် ရွာနှင့် အနီးဆုံး တောထဲကို တိုးလာကြသည်။ တောသည် အမှောင်ကြားထဲတွင် ပို၍နက်ရှိုင်း မည်းမှောင်နေသည်။ လူသံများသည် ဟိုမှ သည်မှ ပေါ်ထွက် လာနေသည်။ ပေါက်ကွဲ သံများသည် သူတို့ ရှေ့တွင်ပင် ရောက်လာသလို အသံများက နှိပ်စက်ဆဲ။ အော်ဟစ်သံ၊ ငိုကြွေးသံနှင့် ပြေးလွှားသံများ၊ ခြေသံများ။
သူတို့ ပြေးကြသည်။ ဖိုးနီပြေးသည်။ တစ်ယောက်တည်း အားသွန်ပြေးသည်။ အသံများ ကပ်ပါလာသည် ထင်လေလေ တိုးကာ ပြေးလေလေ ဖြစ်သည်။ သူ့နားထဲတွင် အသံများသာ ဆူညံနေသည်။ အပြေး ပြိုင်ပွဲတိုင်း ဗိုလ်စွဲနေကျ ဖိုးနီ၏ ခြေထောက်များက ရှေ့သို့သာ အရှိန်နှင့် တိုးနေသည်။ သူဘာကိုမှ မသိတော့။ ကြောက်ခြင်း တစ်ခုကိုသာ သိသည်။
နောက်ဆုံးတော့ ဖိုးနီ မောပန်း၍ နားသည့် အခါတွင် သူ့အနီးတွင် ဘယ်သူမျှ မရှိတော့။ သူ ဆွဲလာသော အထုပ် ကလေးသည်လည်း ဘယ်မှာ ကျကျန်ခဲ့ ပြီလဲ မသိတော့ ပါပေ။ တောသည် မှောင်နေ၏။ အသံတို့က တိတ်ဆိတ် နေသည်ဟု ထင်ရသော်လည်း တကယ့် တကယ်မှာတော့ ချောက်ချားစဖွယ်။ ဖိုးနီသည် သစ်ပင် တစ်ပင်၏ ခြေရင်း၌ တိုးကပ်ကာ ရှိုက်ငင်လိုက်သည်။ သူငိုသည်။ အဖေ သူ့ကို ရိုက်စဉ်ကထက် ၀မ်းနည်းစွာ ငိုကြွေးလေသည်။
တောလမ်းလေး ပေါ်တွင် ယိုင်နဲ့နဲ့ လျှောက်လာသော ဖိုးနီသည် အသံတစ်ခုကြောင့် ခြေလှမ်းများ တုံ့ခနဲ ရပ်သွားသည်။ ဘာသံပါလိမ့်။ အသေအချာ နားစွင့်မိ လျှင်တော့ ဖိုးနီ၏ မျက်နှာသည် မျှော်လင့်ခြင်းဖြင့် ၀င်းပလာသည်။ ဆိုင်ကယ်သံ။ လမ်းမကြီးနှင့် မဝေးတော့ ပြီလား။ သို့တည်း မဟုတ် ဆိုင်ကယ်သည် သူရှိရာ လမ်းကလေးဆီ လာနေသည်လား။ လမ်းကလေးက ကွေ့ကောက် နေသည်မို့ ရှေ့ကို မမြင်သာသေး။ သို့သော် အသံသည် ပို၍ပင် နီးကပ် လာသည်ကို ကြားရသည်။ ဖိုးနီသည် တစ်စုံ တစ်ရာကို စောင့်နေသူလို ခြေလှမ်းများကို ရပ်တန့်ထားသည်။
ကလေးများကို ဖမ်းတတ်သည်ဟု လူကြီးများက ခြောက်လှန့်တတ်သော လူဆိုးများပင် ဖြစ်စေဦး။ ယခုနေတော့ ဖိုးနီ ဘာကိုမျှ မကြောက် နိုင်ပါပေ။ သူသည် တစ်ညလုံး ကြောက်လန့်ခြင်းနှင့် အသားကျ ခဲ့သည်။ သည့်ထက်လည်း ထူး၍ လန့်မကြောက် နိုင်တော့ပြီ ထင်သည်။ ညက ၀မ်းပန်းတနည်း ငိုရှိုက် နေခဲ့သော ဖိုးနီသည် မိုးစင်စင် လင်းချိန်မှာတော့ ငိုရန်ပင် မောနေပြီ။ ထပ်၍လည်း မငိုနိုင်တော့။
ဖိုးနီငေးမော နေစဉ်မှာပင် လမ်းချိုးကွေ့တွင် ဆိုင်ကယ်တစ်စီး ပေါ်လာသည်ကို တွေ့ရသည်။ လူနှစ်ဦး ပါလာသည်။ သူတို့သည် ဖိုးနီကို မြင်လျှင် ဆိုင်ကယ်ကို စက်သတ် လိုက်ကြသည်။ စကားတချို့ မေးမြန်းကြသည်။ သူ့လို ရှမ်းဗမာ တစ်ယောက် မဟုတ်ဘဲ ကချင်များ ဖြစ်သည်ကို ဖိုးနီ သိလာသည်။ ဖိုးနီသည် ဖြစ်ကြောင်းကုန် စင်ကို ပြောပြရ၏။ သူဘယ်ရွာက လာသည့်အကြောင်း၊ မိဘများနှင့် ကွဲသွားရသည့် အကြောင်း။ သူတို့သည် ခေါင်းတညိတ်ညိတ်နှင့် နားထောင်ပြီးနောက် တီးတိုးတိုင်ပင် ကြ၏။ ထို့ နောက် ဖိုးနီကို ဆိုင်ကယ်ပေါ် တင်ကာ ခရီးဆက်ခဲ့ ကြသည်။ ဆိုင်ကယ် မောင်းသူနှင့် နောက်ကလိုက်သူ နှစ်ဦးအကြား ဖိုးနီ ထိုင်ရသည်။
သူတို့ ဘယ်သွားမည်နည်း။ ဖိုးနီ မသိပါ။ သို့သော် သူ့ကို ထွေးပိုက်ထားသော လက်များတွင် စာနာမှုများ ပါသည်ဟုတော့ ခံစားရသည်။ ကလေး ဖမ်းသူများ ဘယ်နည်းနှင့်မျှ မဖြစ်နိုင်။ တစ်ညလုံး ချမ်းတုန် ခဲ့ရသော ဖိုးနီသည် နွေးထွေးသော ခန္ဓာကိုယ်ငွေ့ များကြားတွင် နွေးကာနေသည်။ အချိန်တော့ ဘယ်လောက် ကြာသည်လည်း မသိ။ တောလမ်းထဲ ကွေ့ကွေ့ကောက်ကောက် သွားရသည်။ ကုန်းကလေး များကို တက်ရသည်။ တစ်နေရာ တွင်တော့ ဆိုင်ကယ်ကို စက်သတ်ကာ ရပ်လိုက်ကြသည်။ သူတို့အားလုံး ဆိုင်ကယ်ပေါ်က ဆင်းကြသည်။ ဦးတည်လိုသော နေရာသို့ ရောက်ခဲ့ပြီဟု ဖိုးနီ ထင်ပါသည်။
ပတ်ဝန်းကျင်ကို စူးစမ်းရန် လှည့်ကြည့်လိုက်တော့ ဖိုးနီသည် မြင်ကွင်းကို တအံ့တသြ ငေးမော နေရသည်။ သူရောက်နေသော နေရာသည် သစ်ပင်များ အုပ်မိုးလျက်။ အလယ်တွင် ရှင်းလင်းကာ တဲများ ဆောက်ထားသည်ကို တွေ့ရသည်။ တာလပတ်များ မိုးထားသော ဖက်များ ကာရံထားသော တဲကြီးများ ထဲ၌ လူများစွာ တွေ့ရသည်။ သူတို့ အရွယ်ကလေး ငယ်များ၊ သူ့ထက် ငယ်သော ကလေးများသည် မြေပြင်တွင် ဆော့ကစားနေသည်။ ရွာလား။ ဟင့် အင်း မဟုတ်ပါဘူး။ ဒါရွာနှင့် မတူပါ။ လယ် စောင့်တဲများထက်ပင် အနေစုတ်ချင် နေသော တဲကြီးများ နေရာ ကွက်ကွက်လေးမှာ စုစည်း နေတာသည် ရွာနှင့် မတူပါ။ ဒါဆိုဘာများ ပါလိမ့်။
ဖိုးနီသည် ကြာကြာ မတွေးနိုင်။ သူ့ကို ခေါ်လာသူ နှစ်ဦးက ခြေလှမ်းပြင်ပြီမို့ သူတို့နောက် လိုက်ရသည်။ ဖိုးနီက ကစားနေသော ကလေးတို့ အနီးမှ ဖြတ်လျှင် ညီမလေးနှင့် ညီလေးကို ပြင်းစွာ အောက်မေ့လေ၏။ သူတို့ ဘယ်ရောက် နေပြီနည်း။ အမေ၊ အဖေတို့ ကရော ဘယ်မှာပါနည်း။ သည်တဲများတွင် ရှိနေလေ မည်လား။ ဖိုးနီသည် မျှော်လင့်ခြင်းဖြင့် မျက်နှာလေး ရွှင်လာပြန်သည်။
“ဟေ့ နင် ဖိုးနီ မဟုတ်လား”
ကလေးတစ်သိုက် ထဲက အသံထွက် လာလျှင် ဖိုးနီက ငဲ့ကြည့်လိုက် ပါသည်။ မျက်ဝန်း ကျဉ်းကျဉ်းလေးများ ပိတ်သည်အထိ ပြုံးရယ်ပြ နေသူကို ဖိုးနီ ကောင်းစွာ မှတ်မိသည်။ ဒုတိယ တန်းမှာ တစ်တန်းတည်း နေခဲ့ရသော ဖိုးနီ၏ သူငယ်ချင်း ပါပေ။
“အားဘူ..အေး..နင်တို့ ဒီမှာ ဘယ်လိုလုပ် ရောက်နေတာလဲ”
“ငါတို့လည်း ပြေးလာတာ ပဲကော။ နင့် အဖေတို့ရော”
“မပါဘူးဟ။ ငါတစ်ယောက်တည်း လမ်းကွဲသွားတာ။ ဒီမှာ ရောက်နေမလား မသိဘူး။ နင် တွေ့သေး သလားဟင်”
“မရောက် ပါဘူးဟယ်။ ငါမြင်ရင် သိပါတယ်”
ဖိုးနီသည် သက်ပြင်းလေး ချလိုက်မိသည်။ သူ့ မျှော်လင့်ချက် လေးသည် ဟုတ်ခနဲ ငြိမ်းသွားသော မီးညွန့် ကလေးလိုပင်။ ရှေ့တွင်တော့ သူ့ကို ခေါ်လာ သူတို့သည် ဆရာမလေး တို့အရွယ် အစ်မကြီး တစ်ယောက်နှင့် စကားပြောကာ နေသည်။ ကချင် စကားများ နှင့်သာ ပြောသည်ဖြစ်၍ ဖိုးနီ နားမလည်ပေ။ သို့သော် သူ့အကြောင်း ပြောနေ မှန်းတော့ ဖိုးနီ သိပါသည်။ ထို့နောက် သူ့ကို လာခေါ်သည်ကို ကြုံရသည်။ သည်မှာပင် ဖိုးနီ နေရဦး မည်တဲ့။ အားဘူကတော့ သူတို့တဲသို့ ခေါ် သွားလိုသည်။ သို့သော် အားဘူတို့ နေသည့်တဲတွင် လူက များလှပြီ။ မျက်နှာချင်း ဆိုင်ကတဲတွင် ဖိုးနီ နေရပါသည်။ လူကြီးများ အကြားတွင် ဖိုးနီကို နေရာ ပေးထားသည်။ သူတို့ချင်း ပြောကြသော ကချင်စကားကို ဖိုးနီ နားလည်သည် မဟုတ်။ မျက်နှာများက နွေးထွေးမှု ကိုတော့ ကလေးပေမဲ့ ဖိုးနီ သိပါသည်။
တစ်ညလုံး ပြေးလွှား ခဲ့ရသော ဖိုးနီ အတွက်တော့ အားဘူတို့ ကလေး တစ်သိုက်နှင့် အတူ စားရသော ထမင်းမှာ မြိန်လှသည်။ တကယ်တော့ ဟင်းက ဘာမျှ ပါသည်မဟုတ်။ ပဲပြုတ်တစ်ခွက် မျှသာ။ သို့ပေမဲ့ ဆာလောင် နေသည်မို့ ထမင်းကုန်အောင် စားပစ်လိုက်သည်။
သည်ကြားထဲ အမေချက်ပေး တတ်သော စွန်တန် ဟင်းရည်နှင့် ငါးကြော်လေးများ ကိုပင် သတိရ သေးသည်။ ညီမလေးနှင့် ဟင်းလုစားရ သည်ကို အမှတ်ရသည်။ သူတို့သည် ဘယ်နေရာမှာ ရှိနေသနည်း။ ဖိုးနီလို တဲတို့၊ ထမင်းတို့ ရှာတွေ့ရဲ့လား။ ပူပင် သောကနှင့် ခေတ္တမျှ ငေးငိုင်ရ သော်လည်း ကလေး ပီပီပင် တစ်အောင့်မျှ ကြာလျှင် မေ့သလို ရှိလာပြန်သည်။ အားဘူတို့နှင့် ကုန်းကလေး ထက်တွင် ပြေးတမ်းလိုက်တမ်း ကစား နေပြန်သည်။ သူတို့သည် လူကြီးများလို သောက များတတ်သေးသည် မဟုတ်။ ကောက်မရိတ်ရ သေးသည်ကို မပူပင်တတ်။ နောက်နှစ်အတွက် ဆန်မရှိ မည်ကို မတွေးတတ်။ မနက်ဖြန်တွင် ဘာဖြစ် လာဦးမည်ကို မကြောက်တတ်။ ဘာမျှ မသိတတ် သေးသော စိတ်နှလုံး များနှင့်သူတို့ ရယ်မော နိုင်ကြသေးသည်။
နေ၀င် မိုးချုပ်တော့ ညစာ စားပြီးသည်နှင့် သူတို့ အိပ်ရာ ၀င်ကြသည်။ တဲများသည် ခဏမျှ ကြာလျှင် အမှောင်ကြားတွင် တိတ်ဆိတ်ကာ နေသည်။ လေသည် ဖက်ရွက်များ ကြားက တိုးဝင်လာသည်။ ချမ်းမြသော လေကြောင့် ဖိုးနီ တုန်စ ပြုလာသည်။ သို့သော် သူ့တွင် စောင်မရှိ။ တစ်ဖက်မှာ အိပ်သော အဘိုး တစ်ယောက်က ခြုံစောင်ကို လွှမ်းပေးသေးသည်။ သို့သော် သူ လူးလိမ့် နေရင်းမှာပင် စောင်လျှော ကျရသည်။ နှစ်ယောက် ခြုံနိုင်သော စောင်မဟုတ် သည်မို့ ဆွဲယူရန် ရွံ့ရ၊ အားနာရ သေးသည်။ ကွေးကွေးလေး နေရင်တော့ အချမ်း ပြေမှာပဲ။ ဖိုးနီသည် မျက်လုံးကို စေ့ပိတ်ထားသည့် ကြားက အမေ့ ရင်ခွင်ကို လွမ်းစ ပြုလာသည်။ အိမ်မှာတော့ ဆင်းရဲသည် မှန်သော်လည်း နွေးထွေးသေးသည်။ အမေ့နား တိုးကပ်နိုင်သည်။ ညီမလေးနှင့် စောင်လု ခြုံနိုင်သည်။ အဖေ့ကိုယ်ငွေ့ ကိုလည်း ငယ်တုန်းက ခိုလှုံ ခဲ့သည်ကို သတိရ လာသည်။ နောင်တော့ ဘယ်လိုပင် မိဘများက ဆူသည်ဖြစ်စေ စိတ်မကွက် တော့ပါဘူးဟု တစ်ဆက်တည်းပင် စဉ်းစား နေပြန်သည်။ သည်လိုနှင့် ချမ်းချမ်းနှင့် ကွေးရင်းက သူ အိပ်ပျော် သွားခဲ့သည်။
နောက်တစ်နေ့ မိုးလင်းလာလျှင် ချမ်းအေးလှဆဲ ဖြစ်သည်ကို တွေ့ရလေသည်။ ဖိုးနီသည် တခြား ကလေးများနှင့် အတူ မီးလှုံရ၏။ သူတို့တွင် အင်္ကျီ အနွေးထည် မရှိပါပေ။
အချိန်တန်လျှင် လူကြီးများက ချက်ပြုတ်ကြသည်။ ဆန်က နည်းခဲ့ပြီဟု ပြောသံ ကြားရသည်။ အေးလေ အိမ်ပြန် ရတော့မှာပဲ။ ဖိုးနီက ကလေး ပီပီပင် တွေးနေသည်။ သူအိမ်ပြန် ချင်ပြီ။ မိဘ မောင်နှမ များကို တွေ့ချင်လှပြီ။ မကြာခင် ပြန်ရတော့ မည်ဟုပင် သူထင်နေသည်။ ထို့ ကြောင့်ပင် ပူစရာဟု ဘယ်အရာ ကိုမျှမမြင်။ သူ့လိုပင် တခြား ကလေးများ သည်လည်း မကြာခင် အိမ်ပြန် ရမည်ဟု တွေးလေ သလားမသိ။ သူတို့ တစ်တွေသည် ဆော့ကစားကာ စကားဆိုကာ ရှိနေပြန်သည်။ သူ့ရွာအကြောင်း၊ ကိုယ့်ရွာအကြောင်း ပြောကြသည်။ ကျောင်းတက်သူ တို့ က ကျောင်းအကြောင်း ပြောကြသည်။ ဆ ရာမ အကြောင်း ပြောကြသည်။ ကောက်သစ် စားပွဲများ အကြောင်း ပြောကြသည်။ လယ်ထဲမှာ မိဘ ကူရသည့် အကြောင်းများလည်း ပါသည်။
“အားဘူ နင်တို့ ဘယ်တော့ ပြန်ကြမလဲ”ဟု ဖိုးနီက မေးသေးသည်။
“အေး ဖိုးနီရဲ့။ အနူးက ပြောတာတော့ ရွာဘက်မှာ အေးရင် ပြန်ချင်တယ်တဲ့။ စပါးလည်း ရိတ်ရ ဦးမယ်လေ။ ငါလည်း ကျောင်းမတက် ရဘူး မဟုတ်လား”
“နင် ပြန်ချင်ပြီလား။ ငါလည်း ပြန်ချင်ပြီ ဝေး”
“ပြန်ချင်တာ ပေါ့ဟယ်။ ဒီအချိန်ဆို တို့ရွာမှာ ခရစ္စမတ် နီးလို့ ပျော်စရာပေါ့။ နင်တို့ ဆီမှာလည်း ဘုရားပွဲတွေ နီးပြီပေါ့။
“အေးပေါ့ဟ”
ဖိုးနီတို့သည် သစ်ပင်ရိပ်များတွင် တစ်နေကုန် နေကြသည်။ စာသင်စရာ လည်းမရှိ။ ကျောင်းများသည် အဝေးတွင် ကျန်ခဲ့ကြ လေပြီ။ ဖိုးနီ တစ်ယောက်တည်း အတွက် ဆိုလျှင်ကား သူနားပူ တတ်သော အဖေ့ ဆူသံများ ကိုလည်း ကြားစရာ မလိုတော့။ အိမ်အလုပ်များကိုလည်း လုပ်ရန် မလိုတော့။ ညီမလေး နှင့်လည်း ငြင်းခုံရန် မလိုတော့ပေ။ သို့သော်ဘာကြောင့် မပျော်ပါ သနည်း။
အားဘူကတော့ ရွာကိုလွမ်းကြောင်း ခဏခဏ ပြောသည်။ ဖိုးနီကလည်း စဉ်းစား၏။ သူလွမ်းသလား။ ရွာကို လွမ်းသလား။ တကယ့်တကယ် စဉ်းစားတော့လည်း သစ်ပင်စိမ်းများ ရိပ်မိုး ထားသည်ဖြစ်သော ရွာကလေးကို မြင်ယောင်လာသည်။ သူငယ်ချင်းများနှင့် ပြေးလွှား ဆော့ကစား ခဲ့ရသော ရွာလမ်းကို သတိရသည်။ ရွာဦး စေတီက ဆည်းလည်းသံကို ပြန်လည်ကြား ယောင်သည်။ လယ်ကွက်များ ကိုပင် သတိရ စရာ ဖြစ်ရသည်။
နောက်ဆုံးတော့လည်း သူ့စိတ်သည် သူ့မိသားစု နှင့်အတူ နေထိုင်ခဲ့ရာ အိမ်ကလေးတွင် ရပ်တန့်တော့၏။ အိမ်ကလေး ထဲက ရယ်သံများ။ ညီလေး၊ ညီမလေး တို့နှင့် အဖေ ရယ်မောနေလျှင် သူပါ ပျော်ရွှင်ခဲ့သည်။ အဖေသည် သူ့ကိုချစ်ခင် ရင်းနှီးစွာ မနေတတ် သော်လည်း အားကိုး တတ်သည်ဟု အမေ ပြောဖူးသည်ကို သတိရ လာ၏။ ဟုတ်မှာပဲ ဟုလည်း အဖေ့ကို မြင်ယောင်ကာ တွေးစပြုလာ ပြန်သည်။
“ငါလည်းအိမ်ကို လွမ်းတယ်ဟ”ဟု ဖိုးနီသည် အားဘူ၏ စကားကို ထောက်ခံလာသည်။
“အေးဟယ် အိမ်ပြန်ရရင် ကောင်းမှာပဲ နော့”
ခဏ ကြာတော့လည်း သူတို့သည် ကလေးတို့၏ စိတ်ပြောင်းလဲ လွယ်ခြင်းနှင့် အသားကျ လာပြန်သည်။ ရယ်ကာမောကာ ရှိလာပြန်သည်။ အားဘူကတော့ စခန်းသို့ စောစီးစွာ ရောက်လာခဲ့သူ ဖြစ်လေရာ သူ့တွင် ပြောစရာ များစွာ ရှိလေသည်။
“နင့်လိုပဲ စခန်းမှာ အဖေ၊ အဖေ မပါဘဲ ရောက်လာတဲ့ ကလေးတွေ ရှိသေးတယ် သိလား။ တချို့ လူတွေလည်း ကွဲကုန်တာ ပဲတယ်။ ငါတို့တောင် ကံကောင်းလို့ မကွဲတာ။ တို့တော့ ညပြေးတာ မဟုတ်ဘူး။ နေ့ခင်းဘက် ပြေးလာတာ။ အစကတော့ အနူးတို့က မပြောင်းဘူး လို့ပဲ။ ဒါပေမဲ့ နောက်တော့ မရတော့ ဘူးလေ။ တိုက်ပွဲတွေက တဖြည်းဖြည်း နီးလာတာကိုး”
“ဒီမှာ ဆန်ကုန်ရင် ငါတို့တော့ ဒုက္ခပဲတဲ့။ လူကြီးတွေ ပြောတာ ကြားခဲ့တယ်”ဟု ဘောက်ဂျာ ဆိုသော ကောင်မလေး တစ်ယောက်က ၀င်ပြောသေးသည်။ ဖိုးနီကတော့ ထုံးစံအတိုင်း တွေးပြန်သည်မှာ အိမ်ပြန်မှာ ပေါ့ဟုပင်။ သို့ပေမဲ့ ရွာကို ဘယ်လမ်းက သွားရမည်နည်း။ ဒါက သိပ်တော့လည်း ပူစရာ ရှိမည်မဟုတ်။ လူကြီးများက လမ်းပြ ပေးမှာပါ။ ပူပန်စရာ မှာတော့ ဘယ်သူမှ မရှိသော အိမ်သို့ မပြန်လို ခြင်းတည်း။
အတွေးများနှင့် ငေးငိုင်နေသော ဖိုးနီသည် လူသံများ အုတ်အုတ်ကျက်ကျက် ကြားရတော့ နားစွင့်မိ၏။ တစ်ချက်တစ်ချက် ပျံ့လွင့် လာသည်မှာ ကချင် စကားများသာ ဖြစ်၍ ဖိုးနီ နားမလည်။ အားဘူက တစ်ချက်ခုန် ထကာ လူသစ်တွေ ရောက်လာတယ် ဟေ့ဟု ဖိုးနီကို ပြောသည်။ ပြီးတော့ ရှေ့က ပြေးသွားသည်။ ဖိုးနီလည်း သူ့နောက်က ပြေးလိုက်လာ၏။
“ဖိုးနီ နင့်အမေ မဟုတ်လား”
အားဘူ၏ ၀မ်းသာအားရ အသံကြောင့် ဖိုးနီသည် လူအုပ်ကြားထဲ တိုးကြည့်လိုက်သည်။ စခန်းက လူကြီးများနှင့် စကားပြော နေသည်မှာ အမေပါ တကား။ အမေသည် ညီလေးကို ပွေ့ဖက်လျက်သား။ တခြားသူ များလည်း ပါသေးသည်။ စခန်းတွင် နေရာချကာ အလုပ်ရှုပ်စ ပြုနေသည် ကိုလည်း မြင်ရ၏။ အမေသည် သူ့အနား တိုးကပ်လာသော ဖိုးနီကို မြင်လျှင် ၀မ်းသာ လှိုက်လှဲခြင်းနှင့် ပြုံးလာသည်။ ရုပ်ရှင်ကားများ ထဲကလိုတော့ ပြေးမဖက်။ ငိုလည်း မငို။ ငိုရန်ပင် မျက်ရည်များ ကုန်ခဲ့ပြီလား မသိ။
“အမေ၊ အဖေတို့ရော”
“ကွဲသွားတယ် ဖိုးနီရဲ့။ ဘယ်ရောက်သွား မှန်းတောင် မသိဘူး”
အမေသည် ခုမှပင် မျက်ရည်ဝဲစ ပြုလာသည်။ ဖိုးနီကို ထွေးဖက်ထားသည်။ နောက်ထပ် ပျောက်သွားဦးမှာ ကြောက်နေတော့ သလိုပင်။ ဖိုးနီသည်လည်း အမေ့ခါးကို တိုးဖက် ထားမိသည်။ ညီလေးကိုပင် ပိုချစ်ခင် လာမိ၏။
သည်လိုနှင့် ညမှာတော့ သားအမိများ အတူနေခွင့် ရကြလေသည်။ စခန်းမှာတော့ ရှိသည့် တဲအကျယ်နှင့် လူဦးရေက မမျှခဲ့ပြီ ဖြစ်ရာ လူများမှာ လူးသာ လှည့်သာပင် မရှိပေ။ ဆောင်းရာသီ ဖြစ်၍ လူငွေ့နှင့် နွေးထွေးသည် ကိုပင် ကျေးဇူးတင်ရ မလိုတည်း။
ဖိုးနီနှင့် အမေသည် ညီလေး အိပ်စက်နေသည့် အနီးမှာ တိုးကပ်ထိုင်နေ ကြသည်။ အမေသည် အပြင်ဘက် မြင်ကွင်းကို ငေးနေ၏။ အပြင်တွင် မြင်ကွင်းသည် အမှောင်သာ။ မီးဖိုက မီးတို့ ငြိမ်းခဲ့ပြီ။ လကွယ်ညမို့ ပိန်းပိတ်အောင် မှောင်လျက်။ သည်ပြင်ပ ကိုပင် အမေသည် ဘာကြောင့်မှန်း မသိ ငေးကာနေသည်။
ဖိုးနီသည် အမေနှင့် ပြန်တွေ့ရသည့် အတွက် အခါများစွာ ကထက် အားတက် လာရသည်။ မကြာခင် သူတို့အိမ်ပြန် နိုင်တော့မည်လား မသိ။ အဖေတို့လည်း ပြန်ရောက်ရင် ရောက်လာမှာပေါ့။ သူသည် အတွေးနှင့် ရွှင်လန်းစွာ ပြုံးလိုက်သည်။ အခုတော့ ရွာအပြန် လမ်းကို မမှတ်မိလည်း ရပါပြီ။ အမေ ရောက်လာပြီ မဟုတ်လား။ အမေနှင့် အတူ ပြန်ရလျှင် အိမ်ကို ချောမောစွာ ပြန်ရောက် နိုင်မည်ဟု သူထင်ပါသည်။
“အမေ သားတို့ ဘယ်တော့ အိမ်ပြန်ရ မလဲဟင်”
အမေသည် သူ့အမေးကို မကြားဘူးလား မသိ။ မမြင်ရသော အမှောင်ကိုပင် ငေးမြဲငေး နေလေသည်။
စံပယ်ဖြူနု
(Teen မဂ္ဂဇင်း၊ဖေဖေါ်ဝါရီလ ၂၀၁၂)
(Teen မဂ္ဂဇင်း၊ဖေဖေါ်ဝါရီလ ၂၀၁၂)
2 comments:
teen ကို အွန်လိုင်းမှာ စောင့်ဖတ်ရတာ စိတ်မရှည်ဘူးဗျ။ အရမ်းနောက်ကျတာပဲ။ စာအုပ်လည်း မရောက်ဘူးလေ။ Feb မှာတော့ အပြန်လမ်း ဘယ်မှာ တစ်ပုဒ်ဖတ်ပြီး စောင့်ရကျိုး နပ်သွားခဲ့တာပေါ့။ ကူးယူသွားလိုက်တော့တယ်။ နောက်လည်း အားပေးလျှက်ပါဗျို့။
ခင်မင်သော သတိုး
ရင်ထိငြိခဲ့တဲ့ ၀တ္ထုလေး ဆုရလို့ ၀မ်းသာဂုဏ်ယူပါတယ် ခင်ဗျား။
Post a Comment